tiwecca ghar refjar

ad msafadvegh akd wedrar

tiwecca ad uyaregh

ad rahegh ad weddaregh

war kessigh ahissef

i mani i ghad ssensegh

ura min ghad ccegh

kessigh ahissef

i rexzrat n wcar

i day i itzawren

d udem n yemma

itsiqsiqen s imettvawen

d udvarreo n utecma

i war iqettvin

u necc qimegh jar asen

marra aoben war ttiqen

tiwecca war day i tifen jar asen

maca ad afen ridart ynu

tuyer deg ixammen

ad afen izvra

i zi ccigh imarrizen

ad afen itran

ad as nsekkegh ineghmisen

u d cek a mulay i yessnen

mammec temsar

rami inyaw iqurab nnegh

ghar midden neggwar

maca oad ad ndwer

akd tafsut akd tifridjas

mara teghri tfuct nnegh

ad nssiri taziri ghar ujenna

ad tssagh tifawin

xef yidva nnegh

i ghad yebnan yimar nnegh

imar n tmazight di tamazgha

imar n irifien di yarrif nsen

maca tiwecca ghar refjar

ixess anegh ad nekkar ad nuyar

(andich chahid idir,

amazigh_2958@hotmail.com)