Ayyapu wayyapu sngin kullu

Imttvawn n tarbat talatin

Tsmammi fllati toyalt

Yuti usmammi ns taghuyit

tnna: is tqqur tasa nk a mas

a yassalmad ligh gigi tsumit

max a tinmal ligh iyi tettayt?

Mani mugigh a tinmal!

mani syyi tettayt??

Ad km flgh a tifawt..

Kcmgh am a tillas…

Ad ttugh… ad ur sangh..

Ad ur sfldgh ad ur annigh..

Abla kmmin a tillas!

Tusi yi tgudi n tittit

Jlugh fgh adar itswak

Manik zigh trzagt a tittit

Tuti tarzgt nm tin ullili

Sutln as waman ur immim

Utntyyi tizza n amsifid

Syagasnt iyyi ull ula tasa

Tkchmyyi tmadunt n wattay

Gigh amagus ifl kuyyan

S brknt iyyi tillas..

Imrnt sri tswak…

Ad igutn imzzway..

tbughlut a taoamit..

ur sar ulgh ixf

ur zdargh ad nnigh upu

kra gn ugigh cukanyi ibrghazn

zund tixsi g ugdaz

Ginyyi d tamawast n tmgharin

ginyyi d twayya bla righ

ar tggaygh.. ar snwagh.. dufgh arraw

armgh kraygat anaw n twuri

aylligh skkusgh bla tawuri

fagh jlugh itswak

gungh gh ismdal..

dlgh signna sughk ayakal

ur singh marad skargh

ur singh marad tinigh

abla anna sagh nnan

ur zdargh adalgh ixf

ur zdargh ad nnigh upu

syagasn yyi utinyi izmmuln

ghrsnyyi gar tighrsi

luhn yyi gh tsukt

agigi spncarn idan anna gh llan

ghassad ad righ mad giti itmnidn

ghassad ad lkamgh f mad giti ithnnun

ghassad ad righ mad diti itmunan

ghassad ad righ mad iyyi it asin

ad fagh tammara ad rwlgh i yghnan

ad gegh afgan dergh tudrt ibughlan.

(bouizkarn: 20 /05/ 2008)