Cwayt zi rxezrat d cwayt zi raxart

Ayezzim war ittu asendef,

Ayezzim d babas n uxeyyeq,

Advuqqezv d babas n tudart

Jar tiwecca d idvennat,

Nec farnegh abriwen inu zeg mettawen,

Mahend ad afegh ca n wasagh

Izemmar ad yidar tanfust inu..

Maca tiwecca d axarriq war ghars aneggar,

Tiwecca d idvennat di tghuyyit inu..

Nec d memmis n mayemmi d ushinneb,

Araji d anibu inu, d azedjid di turjitin inu..

Ca n ubarrih itesra yi d ruxa

Ca n useqsi yarzzu xafi,

Nec oad arezzugh x ca n wamour

Ad ay afegh dayes?

Minzi nec d udem n tarwra zi raxart,

Tarwra zi tiwecca n temsses d ughras.

Twarigh ruxa attvas n iseynan

Ifetr iten usqar d icettihen..

Nec oad war ufigh amour

Mani i gh afegh ixef inu..

(Mahmoud bellachir, qasita,Mahbell04@hotmail.com)