Amkesa Amezzviyan

Llan ghurvi ssa n iseggûsen, cfin ay d ad hdvugh ixfawn. Iwrd i semmus deg timirt, la i tssufugh imma zeg tussut iligh la sawalgh d wallen uffnt s y itvs.
S idvaren ur ilsin, la kkatgh abrid ittawin ghers almu d nekk la ttirirgh. La ttasiygh deg usiy inuw yan ufelluy n ughrvum aqvurvan d imiqq n tiklilt ar tteccagh qqimigh ghif yat tiselli. Deg wagud nnadgh, abda yan unugudv amezzviyan ittuswalefn attvas ur jjin ad iqqim ur d illiy ad as kfgh its ifezvawn zeg ughrvum inuw.Iydi Médor la idveffvur ikruwan igellinen asel ad ten yawedv s kra ixxan maca ad ten irar ghers ulli. Iggudiy manig tsellad ghers iwryen i ubeghghem n kan ighejd
amezzviyan la iqqvar i imma ins. Adday tghliy tafuyt d iut y idv la traragh ixfawn ghers adras apa kcemgh ghers tinusnuwi manig tlla la itteganna tsekkift irghvan.
(Emile Guillaumin, asughel n Uhmad kessu)