Rar leoqel
Yura t: Omar ABESKIK (achtouken n ayt bapa)
  
Cuf awdi cuf awalli ittanayn   
 cuf awdi cuf awall ismaqalen
cuf awdi cuf awalli iswingimn.
 
Zern izzergan n will izzerinin
rar leoql iggi wassif ad gh t zeggan
zerin guss aman f tuzzvumt
netnin as zedan agwern ll tenawalen
agwjdf n tayniot adodeln.
 
Taregwa saswan lhilt
bdun aman s leoqel
tawalla ayga lhal
lobar lan s tghalmt
uraten zer waxxa s udvadv.
 
Wanhak smaql amazigh mamnek as oicn
is dark illa mayad gh ugness nek
netan saswa lmurat ness
ini yi y manwa iggan u lasel.
                     
Amazgh ioic h udrar
neger lgergao d lazv wala yargan
keyin a yadrar ah fughn leoyun
walynni ajdig li gh mghin rufan
ah a lon tswit tagugt tvfet aman i yil
tesmghit tayniwin gant askelu i wadjar.
 
Ajdig li gh meghn ghassad ad ggizen
ar ssiggil lhq nes n waman
ar isigl ula awal ayafu
ad asn walli kwen ukan issan aya man
ula kyn a yadrar d kyn a yil
ula wall kwen issdan ic lxir nun
ulak kti bab n wakal
   (Omar ABESKIK, tamsmunt TAWSSNA    G ACHTOUKEN N AIT BAPA
AZUL)