Timessunam n imazighen

Turi t’: Mayssa Racida (Bentveyyeb, nnadvûr)

 Mkur aydud itwassen s izvewran n tmessunam nnes, timessunam idjan d timegga n ufgan s ixf nnes, afgan a ak marra min d as d yunnudven d ticri nnes ak wakud (temps) zeg umsvawadv nnes ak midden d wemsvawadv nnes ak marra tighawsiwin idjan di tudart zeg: Warrudv zi matca zi reqyum zi wsegdud (solennité d' une fête) zi wemsvawadv jar wayduden.......atg.

Imazighen n tamezgha msarwasent tmessunam nsen s wattvas waxxa dinni taneflit (développement) deg ixarrisven nsen, dinni ura d icten n ticri ak wakud simmal, mammec ghar sen ij n wemdurruo ak umaynu (nouveau) di marra timsal (choses), maca ak marra manaya ntaf iten oad cedden msezdayen ghar tmessunam i d remden i d ctin xef inuba imezwura id ijjint timessunam a. Timessunam ak issegwussa ioeddan xaf sent dakwarent d ict n tirizi nigh d txabect (trésor) zi tugherma  (civilisation) n waydud mani mma yedja nigh mkur akud i di yiri.

Aydud amazigh netta d ijjen izvlem (distinguer) u yetwassen s tmessunam attvasv d tirizi, day s timessunam iqqimen oad ddarent ghar wayduden di marra yamadval n imazighen, day sent tinni yetwattun nigh udfent xaf sent tinnedvni d timayna zeg wayduden nnedvni hewsen tent.

Mammec dinni timessunam temsarwasent, ca zzay sent temsvebdvant zi tmurt ghar tmurt ad wcegh ij n umacnaw netta d arrudv, ntaf arrudv nigh reqyum temsvebdvan zi dcar ghar wennedvni d zi tmazirt ghar tennedvni, mara necsi d arrudv n temghart n arrif ntaf itemsvebdva xef

warrudv n temghart di Sus u yamenni di Reqbayer di Dzayar amenni di Tunes di Mali...atg. Maca din ca zi tmessunam tghimant s yij n wudem ghar marra imazighen amacnaw: Asemmî n ca n imaccaten d tmegga n ufus d usegdud n tfeskiwin.....atg.

Ad dewregh ad ssarghegh tfawt xef ca zi tmessunam ghar wayduden  irifeyyen, minzi timessunam a itmewca yasent ij n wazal d ameqran mammec itnam itent u akid sent wefgan zeg ass ghar wennedvni itaca akid sent di marra min itegg d timesrayin di tudart nnes tawessant.

Zi tmessunam iqqimen oad ghar ca n redcur amecnaw: Asegdud n tfeskiwin am nnayer nigh "assegwass n imazighen" d toacurt d rmurud d tfeska tameqrant d tmezvyant d toinsvart....atg, mkur icten zzay sent twassen s reqyum nnes d matca nnes d usegded zzay s adriz n yicten itemsvebdva xef icten, mammec dinni timeghriwin d wuraren i di tadfen swabeo d imextan d zyaret n imrabdven d tutra n wenzar d waddud n urum d reftuhat  i di teggen tamunit seddaren timessunam nsen ura i rmuddar nsen amecnaw: Tarwa n tfunast .