Tullizt (Récit)

Takujdlla tar itersiwen

Yaru t: Dilai Essalih (Ayt Ishaq)

Yan wass, kkix d ttverf n Tumelilin. Oettvrex n, alliy tentel tafuyet. Feghex d zeg ureti tattuy tallest. G ubrid, bbix gher yat taddaret, ad did nesex ar tifawet.

Rehben ayi id bab nes. Oemren d atay.

Netta ar nettemsaw, raoax as i bab n txamet gher idvaren, afex pen win tefunast.

Kkerx zeg uteci, nnix asen rix ad yenex. Imun d id i gher anesa di gganex. Rulex, kkex asefaylu (fenêtre). Yuci d id i, iyeri g terwla, alliy d iwdvex ifran n ugidu (sable). Wetetx kecmex yuk disen. Cedvex ar tekrussuyex. Umzvex gher yan ughulid. Pezzax allen zar imi n ifri, annayex tan ureyaz nna mi t' ttveona t'iddi, mi wesoen ighariwen. Inesa azennar amellal. Yuzved id aceddvur. Azvdvex afus afad ad t' amzvex, yakkuf d uzvru.

Ar tekujdellex, aqqax n abudv nes.

Xaylex yan ifili n usidd. Ttujix ad raoax matta netta.

Sellax ca n wawal. Suggrex, afex n ibba d imam da fettvren!