Yelli maren
Yura t: Salah Ngab (libya)

Yelli maren tbark allap ghfes
Awal yezvam yemmal illes
Wil tesenc ad teskerkes
D may immaleghs tessal
Tezerzer temmeml nnes
Tessen rabi tuzvum tzval.

Taziri di wudem nnes
dunit ad tedvwa ilya tedves
Izates m dis taourt teqqes
Tessen ad tari sis zvetta
Ad tezvregh di island nnes
Ad tegg ilhenni ad terwetv tlaba.

Yelli maren macallap ghfes
Tamezwart illan deffres
D rummu am netta iyghes yelllis
Di lbal nnu dima tella
Tallest s ass nnu tekkes
Si temlyed a baba.

Tugurya nnes af idles
Tessen ad twaza temdukl nnes
Adbir ghrdses yetves
Teklwt nnes azul tmmal
A yakuc tanmirt flles
Yellis n adrar amellal.