Idrim n biblghu
Yura t: mmis n tmura nes (Libya)
Nuri di ammas n wussan
D nuffu affay n tidet tamekra
Neffed n iffad n isway n aman
Nedder neffed s tiblemt ansel tedsva.

Tidet nzver dis am idrem n biblghu
Ur nufet it di tamurt negh di wujenna
Ass n dytca yukert si nnegh acenqu
Di af iffad nnegh terni tlazva n tusna.

Tazdit di teniri innnej di wujenna tuli
D af tyblemt n anzver wudan syewlan
Tuli, tuli ansi tywetv itri d allay terni
D mammu yetteter s wullem yetcar iyghef kan.

Iysewyl ameckan si nnegh d yezga yemlu
A baba tidet di warra n amezruy tella
Yerru fllas babis: iskerksun dis babik yeslu
A mimmi ukrun aqercal, uekrun tlaba.

Yemlu ameqran si nnegh tedit a baba
Di ass n dytca tidet s wufs nnegh hatnari
Yeru fllas: a mimmi ukrunrt ass n dytca
D tvam tlazva si lejrad yetcu mendi.

iysussem alemmas si nnegh d yemlu di manis
wuddut af innatv, biblghu ass natv yummut
tidet a baba netta assa d matta neggu dis
nsemda tawtra si awal nnes s iles nnegh neslut.