A tamurt
Yura t: uhmad kessu
Ad tinid kemm ur tiruwd
Mad kemm ur ilin aryaz
Ghas kemmint!
Pi irgazen widdgh s ssa,
Mad  kemm  nnat irun
Nna da t itteccan...
Mag da tseccad!
Is am ig init
Manig tedder teryazt
Mag tella!
Mani.. kem a tioezzvit
A tagruwela
Afud ntutern idkwen a  idraren
Ar manig...
Zund ur tiruwd
Midd! ini
Max tgid tagnawt
Mad aghulam uilss tama
Max immunnedv
Mas nfedvn bdvan
Tibdvi n limes zeg lli
Nghedd ugar...
Awal inem ur tlid
Mani Tidet n wudem nnem
Is ur tiruwd!
Malin awmaten s ssa?
Mad ghas timenza
Weddgh ma zeg d usan
Ma ur tecfid...
Mantur ayd tebbid
Ma g tetteld
Mayd tsenpellvad...!
mami terzvid aghrum.
Tawtemt manig usiynt
Manis
Mani tuneghiwin n
Imuren nnem
Mayd ur isellin
A qeradv n Iffan ad
Idder wumiy as ttedvn
Qqerdvn yiffan...
Mas tusiyd! ghers mi!
Tur a amcvawar
Is tiruwd is tlid ayda
Deg Tudert inem
Tfest tikli ur idd iri n wasiff
Tennedvd ur idd agatu
Mas tumezvd!
Ur idd arraw mayd iran!
Mayd idvufn tudert nnem
Mas tughent n yiman nnem
tamennedvawt... mas anedtvaw ...
Mayd ikkesan idukan...
Illa unsvab...
Arraw nnem ma ur ittegg Unsvib!
A ayd d imalasen zriyn
Mami tsebbeod!
Mayd tsakkd i toettva
Mayd terrefd!
Ma mi tgid taoella...
A ayd tisutiwin ...
Igimen aya
Mami tsemmad! mag
Manza awal inem.
ta deffut! matta urvegh tlid
azurz n tmara n tudert nnem
Mayd imgern iseknafen nnem!
“Léviathan” ma idder
usvermcal n ilel mag d iffegh
Mag ulin
Mami tgid urti
Mayd t iffeghn
Mami tgid tudert
Zwant Tittvawin n warraw nnem
Mayd illan!
Zwant wallen!! zwan ur da allan
Mag idder Ladon
Mayd idvuf ur yad da ssiwidn
Ixef mayd idzan
Qettvedn... idda k waddur
Matta ilel nnat isredvn
Qqvurn iftisen...
Uranus ma s beddn!
Nnig i  itersawn inem mayd isemman!
Maghif rredeln  netta
Maghif dvran
Mayd ten irdeln!
Nnan iruwn!!!
Meqqvar nghan!
Taruwa nnes
Hdvan! ssegman
Sxatern saweln!
Mag asen arun
Manza winnem!
Ayt taddarin  inem
Matta tezvra deg asen tarud
Mad kkesan...
Sesten... kigan n tirarin
Mayd ittinin mma...
Ghifem mayd da  illn
Is ur kem nghin!,
Netta is iruwn!
Maymi akw ten tiruwd!

Kronos, iweldv matta unna temgerd
Matta tmicca nna irdeln mayd teccwid
Matta Imenghi deg amun
Warraw im
Onan wayucen ayyawen
Semzviyn
Ghwman  udem nnem
D idammen ufan iss aghlal
Ig asen asumm
Sunnezeghn
Ar ssiridn... ifussen
Hélios... heli... o...
Teghliy urta tfaw
Man itri d ifessun ad ismutter tisengar inem
Mmuten izvuren n tefsutin  nnem
La ttekkefruruy tfegga im
tamettant nnem is tel asufegh.