Tawiza

  Ij n uhudri (jeune ) indvar ixef nnes x yisran n "lemwi" n Tvanja. Tus d yemma s zeg wgamat (compagne) n Lfhsv, teddar deg imedvran. Toawd as i yoessas x trajidit (tragédie) n memmi s.
"Ur ghar i bu llawt x mayn d dayi toawaded, attvas n imettinen i nendverv deg ussan ad ineggura. Bik (falloir) ad teddud ar tedbelt (departement) ig yetmessayen (être responsable) x uzemmem n uwuttvunen n imettan ijabalen (étranges) gi loamala. Ad ghar sen teddud, ad asn toawded x tmettint n memmi m, din ad am   inin uttvun n uwendverv nnes mara iwdven ad t' snen." "Ilap x wessan (x wakud)! Oebdelwahid memmi, tasa inu ur yeqqim zzag s ghas uttvun. U mara iwdven ad t' snen!".
Ict n temghart d tameghbunt. Tus d ar ugenna teksi udem nnes amahharv, tru, tettar as i Rebbi (Akuc) ad as iwadem i memmi s x wagar-timegga (péché) nnes. Yettvef it wawal x inadagen (ce qui sont positifs ) n memmi s, ar ami tesxef. Ruxennit tedwel ghar dcar nsen. Tusa yi d ar twengit yemma. Waxxa d nettat d tameghbunt (misérable) : ttegga yi jar tittvawin nnes mermi tzvalla, tkessi ifassen nnes ar ugenna tettar as   i Rebbi ad xaf i   yessiggêj tiwaghiwin (maux).
******
Imgharen mermi ruwglen, tmettan d isemghan.
Deg ansa (place) n sebbanya: arebbuo n inempalen (travailleurs) d imghulad (qui n'ont pas de foyer). Tghuyyet dag s tujjut n taccuht (furie) :
-Lbaca.. taksart (au sens de "à bas").
-Imkurras (traitres).. taksart.
Tghezzazen tighmas ar taddart n lbaca, tesghuyyuyen:
-Svatv bbatv, lbaca s adu ssvebbatv (soulier).
Lbaca n teghremt tugha yedda ar ssuq n "tlata n Rrissana". Yegga din ij n inaw (discours) ztat ifedjahen. Inaw ad   yugi ad asen yeghli.. zblen t (injurer), uwwin x as s wezvru, utan s iquba. Ruxennit , imehdva   nnes arzvmen x asen   timessi:
-Balak ad yiri yessiwel akid sen s tentala n wakud n tempersa (colonialisme).
- Meggen (regarder), tmarnayen d am tketfa.
Tikli (marche) s wadida (bruit) i tessent:   irgazen d temgharin d ihermac (ihenjiren). "Iwdan n wenpil (régime) "(1) ad ndven i yimeskanen (manifestants) huma ad ddsen (organiser) tikli d tghuyyaw ig yettvuquzen mgal i lbaca. Tamexzanit nsen tesentam it (affirmer) tadugant (signe) n tekbabt (drapeau ) tamerrakect (Marocaine ) x ighiren nsen(2).
-----------
(1) S usrid (directement) awarni uzarug (independance), ict n tarbiot n imarjdad (enthousiasmes) x tsemlilt (souvraineté, pouvoir) n tmexzanit jar iwdan, tugha targen (autoriser) i yexf nsen ad peztven (embellir) s warrudv aserdas (militaire) : ij n ughezdis zeg arrvudv (abarbaj "pantalon" nigh taqmijjat nigh d tunsit) nigh arrvudv d asvmudv (comlet) ,   ad   yirvi d aylan (maritime), d amuran (terrestre) nigh d agenyan (aérien) s tfensa (grade) n umersan (officier) d tekbabt d tamerrakect di teghrut. Tugha ten tsenfalen (tesmeskalen) zzag sen timegga ufus tamerrakcit aked imaylan (marins) n tgharruba tiserdasin (militaires) n umarikan, nigh aked innidven. Tanebbadt qao ur dag sen d tawi. Deg akud nni wen attvas n tghawsiwin tugha tent   d tizerfanin (légitimes, admis).
(2) Tixfifin, tugha tefghen t id zeg attvas n tburjwa (fenètres) i taddart n lbaca. Tisegrit nnes, ad iman (paraitre) belli taddart ur dag s ghas Rabeh, ag yetwassnen gi teghremt s ismegh n lbaca. Iwdan irra itghir asen lbaca isul aqet din. Maca deg akud id usin ad snen aqa yarwel ar sebbanya netta d tmettvut nnes tasabbanyut.Yewwi abrid n tittvawin d sebta s adu i toessast n isebbunya.Waxxa d firvu n ttilifun ig iteqnen Leorayec d TIttvawin itwabbey.