Ad mtex, tidired

Yura t: Mensvuri Hemmu (Ayt Ishaq, Xnifra)

Ad resex s ibeddi,

Xef ughuda nnem aferdi.

S ioeban nnem

Iwalan aslix,

Ad iwenux aoeban

S ttadirex.

Ad resex s ibeddi,

Xef ughuda nnem aferdi.

Timdvelt inuw d tamellalt,

Irecmen s taynanset

Ad t ruxxax

S tidi inuw iccaren

S ozriren n iffan nnem.

Ad resex s ibeddi,

Xef ughuda nnem aferdi.

Bu iseqsiten n tillas

Ad ghif s rarex:

«Cem ayd isuduren,

Ghif m temtatex.»

Ad resex s ibeddi,

Xef ughuda nnem aferdi.

Xef tsellit n isvendval ad arix:

«Ioeza ciyan

G ugensu n ihemudja n tayri nnem

Iyen

Aridva nnem, tarment mara iman».

Ad resex s ibeddi,

Xef ughuda nnem aferdi.

Advfar taghesa nu itetta wacal,

Ur rix tazvallit,

Ula taghuri.

Xas tenna rix,

Tseqsa s tsusmi,

Ttarir imettvawen, isnan.

         Meknass di 20/12/1995.