Icarf ayi wesqar nnem

Tura t: Mayssa Racida

Icarf ayi wesqar nnem s iwecwicen,

Immughzr ayi raggûj s rxezvrat n tittv nnem.

Indvar ayi x yimar d tifras itnuddumen,

Mahend ad as sremdegh isvuraf am inni ynu ybedden,

Di tubbarcent n tittvawin nnem teodu tgharrabut n temzvi ynu.

Tufid ayi arezzugh x yixf inu ma aqqa dt deg ixf inu.

Ad tagh mri dt ufigh akid s rugh akid i iru,

Ad as inigh: ucfa! uhregh! uysegh! ttu!

Ucfa weddaregh mermi yaddud mermi wettvu?

Ucfa mmenzegh d iceqfan i tmezgunt n ghezzu.

wettvigh d tifray israwent mara tudart d agheddu,

Netyen ayi d rfaris zi tefsut tezzeyzu

Umi d gh ad ghemyegh d tanewwact ufigh yundv ayi d wuzzu.

Tusi day i d d areqqasv zi tmeddit tennuri,

Tufid axeyyeq inu di tubarcent n ujenna nnem ighri,

Iwseq itran issexsi taziri.

Mara yewdva d x ucar ad ighmi d tarzegt x uriri,

Mara yefsi d d amettva x usvdvar ad ifruri

Mara urigh dt d taqessist arrimt nnes ad tesghuy war dt tkessi..

17-7-1999, MAYSSA RACIDA