Azvri n tittvawin nnem

Yura: Lmeddan Oumar Numid zi Tvnaja

Teodu tameddit inu,

Nec x afm arezzugh,

Jar tifray n ixarrisven inu,

Xsegh ad ssiwregh,

Aked uoerbub n wazvri nnem(1),

Ssiwregh.. ssiwregh ssiwregh..

Maca awar war ghar i yuzvi!

Ucigh awar ad msafaregh,

Aked wazvri n tittvawin nnem,

D lgha yeccnan zeg ûwar nnem,

Tasmaqatc nnem d tvya n tiziri(2),

Isrufan i wudem inu.

Rxezvrat nnem d assam,

Ig cehdven di tmughri ynu.

Rpad nnem d tamment,

Izzuyt umezzugh inu.

Amsafadv akid m d raxart,

Ibyen iman inu.

Xsegh marra min texde!

Zepmegh marra min tzepmed!

Aqqa m dewregh d ini(3),

Zeg iniyyen n wazvri nnem.

Ghar m ad tedvwed,

Zi tazvyudvi n tirja ynu!

Qim kid i ama yesfedv,

Huma ad aymegh iman inu,,

Zi tara n rebput nnem.

Mri nec d agharrabu,

Iri zedghegh deg ûman nnem,

Ad smunegh marra tayri,

Am tfust n newwac

D tarezzift ghar wur nnem,

Waxxa mara raxart

Tettvef amsagar akid m!

Amawal:

1- Aoerbub: silhouette.

2 - Tasmaqatc: Image

3 - Ini; iniyyen: couleur, couleurs.