Iwyigh tt ghar yghzar,

Tugha tghir ayi d taoezrit

Maca tugha ghars aryaz.

Tugha d llilt n Santyagu,

Amenni i tugha ixes,

Uca xesyent tfawin

Uca areqen d iqerquzen.

Di tghemura tineggura

Sekkegh x idmaren nnes ittvsen,

Uca faqen d deghya

Am inegmas n tirizza.

Arebbuo n nnawa nnes

Ittsud ayi deg umezzugh,

Am acnaw ijj n wzyn n telmidt

I qqetsen mraw n ixedmiyyn.

Sembra tfawt deg yxfawn

Aqqa zzaysen isekla meghgharen,

D ijj n thimart n yittvan

Ttzu ghar lagwaj deg wasif.

Arami ncuq tabgha,

Izrafen d isennan,

Tazettva n ucewwaf nnes

Ttegga tghuzi di tma n yghzar.

Necc kksegh kurbata.

Nettat tekks arrud.

Necc tahezzamt n rkabus.

Nettat kuz n tsedriyin.

Ra newwac d ra d wghlal

War gharsen tilmect amenni terghegh,

Ura d tisiten saddu tziri

Areqent amenni.

Timesdvin nnes trakkwarent ayi

Am iselman iggwden,

Azyen tecci t tmessi,

Azyen tecci t tesmedv.

Llilt nni uzlegh

Di marra ibriden icnan,

Nyigh x tjedaht

Sembra iryamen nigh inreqben.

D aryaz uca war zemmaregh ad inigh,

Awalen id ayi tenna nettat.

Tfawt n usedhi tejja yi

War suffughegh awalen.

Temles s tmehiccin d yjdi

D necc i tt yiwyn ghar yghzar.

Akid leowin tmenghant

Txedmiyyin n tmenzixin.

D aryaz tugha akids lligh.

Am acnaw ij n umedyaz d ameqran.

Wcigh as ict n teqraft

D tameqrant tulem s ulullec,

War xsegh ad tt xsegh

Mayenzi ghars aryaz

Tenna yi aqqa d taoezrit

Armani tt iwygh ghar yghzar.