Usful d yiws n ilmcan

Yuru-tt : kujut hassan (warzazat)

(D tarzzift i isliman uoli d skkou muhand)

Azul a ymazighn, d timazighin iozzan

A taymatt imann, tamunt n itvudvan

Yiwn udvghar, ay d ssan ar sttan

Yiwn udis, n yiw tt mma aydd lulan

Mma nnsn tamazgha, nttat ad tn issgman

Tssutetv asn tamazight, nttat ad tn ibubban

Bba nnsn amazigh, ntta ay ten ihdvan

Ihdvu yisggiwwar, ig llan imnghan.

A ymazighn d timazighin, ran axn ihccan

Iodawn nnun, g wammas n ighrman

Safon awn tiqqar, ughyal d isrdan

Umsn awn alutv, ssktvun awn imzran

tga tmazirt nnx, amm is nlla g umgan

pan izm d ughilas, pan ashirr ihrdan

da tzvizzviy tujjutv n ifassun, ndrn ilghman

ssarn ighwntar, itni d uguddj ula iyysan

awd zotvutv da ysawal, ayd iyghvan.

a yamazigh a yikrw, nna mi ttin wuccan

tgit ammghzund, ils ttin ad k iqwcan

iodawn nnk gan ahrris, ayayd otan

gand amm tamurghi, d iddan s wurtan

tagudiyt ayd gan, zund ibxcan

tgit a yamazigh amlal, mdin ad k izvqwran

g maygan advghar, ula kullu yibrdan

tumzv tzvqqurtv nnsn, oli wsliman

iga yiws, n ayt sful ayt olwan

tiqbilin isikkin, agari nnig itran.

oli wsliman, ankraf amazigh ayd gan

tagwnitt d tilwin, tkwarn imdwan

s imttvawn ihman, ula widda yhrrvan

xf igzviw sliman, ttvfn s ighwmdan

a talnin ad ur tallamt, loar nnun adoan

isul add iffgh, tizvirm agrtv nns olulan

ip a tirrugza ya sliman, ayafgan n lxtvran

tsukkfm d uddur, ammas n iytvan.

muhand uskku, ankraf amazigh ayd gan

iggulla xf tussna, ur ttit ssurufn iwrzan

amqqar tlla tghrvsva, yili wufugh n iman

mdin as taqbutt, g ubrid nna tkkan

ttvfntv utvuf, n udvrghal nna yoman

iwin t s abniq, g ur qqarvn ula sllan

smzarint d tighrvi, ntta d ismunn btvan

ur ssin skku idd yan, sg uqbil n ilmcan

ghrvat amzruy tisinm, ayt wahlim mayd swan.

a yimghnasn ixatarn, awidda wr inzzan

a yimnayn ismziriyn, ighulidn d izvrvan

a tirrugza ysvhan, azzaxt icqqan

a yayt ifaddn, apa a yayt ighrvdvan

uzzal ula yagari, ur da tn nqqan

id xxu yayd gan, gin awd iozzvan.

tizizzwa ran, attit ssiksiln d yizan

nnan ak tamimt ihlan, tgattit tin irvzzvan

ar ttit smyifn, xf tadda d ikkan ighwrvan

nnix asn orvqa tinn, ixmuttcan d irkan

tizizzwa ayd yaghul, usafar n imudvan

lmrrvuk tussna, tamazight ayd ran

ifsan n imzwura, yayd ran igran

nurzn iskwla, yad swin aman

nna d ikkan ugguy, n tmazgha ayd ratn

ur idd amalus, ula lmjrva yjjan

ur idd axmmuj, d tvujjuttv n oribban

illa yils inw, d umzruy g idlsan

tussna nw, ttwarra gg wakal d ugnwan

patt g igharviwn, tlla g iktvfan

patt g iobann, d ihruyn tga yizriran

tlla g islliwn, patt g tgzzayt g ubttvan

azal n wassa ddx, nkrnd icntan

ixatarn digsn, d iorrimn imzzvann

asin d tamazight, ar ttit ssnwan

ar ttit zzvadvn, amm ibawn gr izrgan

ar ttnaghn abtvun, imazighn d iqcrvan

safon asnt tyti, d wuqud n imgwran.

tsllam tudrt mayd digs ijrvan

igllin g uskar, ayt lmal g iflwan

amzvlutv g usvmmitv, bu wqarvitv rvghan

afgan usdid, azurar da tn rvzzvan

iddjiwn umzzvan, amorvadv sg umqrvan

oribban iodawn, n umazigh sg zman

ula tamazight, isvmtval ayd as ghwzan

ssarghan d aman, gnun as lkttan

isxatr asn tagallit, usful oli wsliman

ntta wla muhand uskku yiws n ilmcan

nnan asn uhqq, dadda ottva wr nggan

ard nadr i yodawn, nsut asn ightran

nttagm d aman, gg izdar n tuna ighwban

nssw iskwla, ar d grn ildjiyn d ictvhan

n tmazight yaly wawal nns s ignwan.

ayyuz a yimazighn d tmazighin iozzan

a yimghnasn d timghnasin dinna g llan

inkrafn kullutn, tmazight ami bddan

inkraf n imtghrvn d amknas itni hrran

ad ur tgim awnul, a yimazighn iyawd yan

afus g ufus ar dd iffghn icirran

ad ur tt hwum, oafawn sswat iman

apa muhand uskku, aoli wsliman

ur ttyamazvm xf tukrtva, wla ka yxxan

ghuf tagwlla d uhgar, d mayd akkw ijjan

nna g llan imazighn, gin digs amm iwtvfan

ttwamazvm ghuf, tussna d izrfan

ad ur tnnglam, pat fisao zrin wussan

payyax tvarv awn, ar dit ffghm g lman

usar nagh ahydus, nrrvzva kwn a yigdman

irwl ax umdaz, ur yad da nttvssva abayyan

ittuga wkarif i ytbirn, art n inniyx uyllan

ughulx d s timnatvin, d uplakssa d izlan