Tamazight jar: amsar d tizemmar (tizubaå /tighariwin) deg usinef d utlao (aoraq / anig) d useqsi n tagumi (taneflit).

Yura t: Lyamani qessuh (ayt oabdella- lhusima)

Tadaft inu ajigh (sadu) uzwil d ages kuå n imsfran ixes ad nbed ghur sen ad nessen min xsen ad inin. mahend an kkes aretay d abenbek izmmar ad yemsaren i wen d yen ad igharen azwil n usentl a.

Imsfran ya d yina: Tamazight; Asinef; Atlao; Tagumi. Suya, nesrusa iseqsan ya:

-Min ixes ad tini u ad nini s: tamzight d usinef d uoraq d tagumi?

-Man aqqan jar tamazight d usinef d utlao d tagumi?

-Man amsar d tizemmar i ghur s gha tamazight di tasertit n usinef d uoraq d useqsi n tagumi?

Attvas issawalen u smjjilen tifirt (tawalt) ya am tamuli tedvfar i ca n timula nigh i ca isaffaghen amacnaw:tamghart tamazight; tusna tamazight...s‚ udrust mani i t ntaf d twasmijjel d asemqar wehdes.

Suya, ntaf blli tifirt ya tetwag u tetwasmijjel s sin n udmawen: d azwil / asemqar i tdvfar i ca nnedvni, u dazwil d azarugi / d ammugel; g udem ya wis sin ntaf amsfra ya ghar s anamek (sens) imghar u yiriw, issadaf ajigh as attvas n ighezdisen zi tudart u‚ atarras (ufeggan) d waydud di radas n tudart ura di rawgajn n umezruy. amya ntaf u neqqar blli Tamazight d awal (ires), d tadelsa, d tusna, d tameggit, d tugherma, d afeggan, d aydud, d car, d tarakalt, d tademsa, d tasertit, d tametti (societè), d izalen (valeurs), d uggus (héritage) imghar; Tamazight ur tlli bu tira wapa, ura d ires wapa, ura d izran wapa, amac qqaren u zaren ca n yewdan ixsen ad squddven tamukrist tamazight bac ad as fargen ad tvfen ad ays oyaren mahend ad nghen ad zzenzen.

Asinef yusa d zi min yunfen, aqa x tama i cetv, ur ghur s bu raq ura tizemmar mahend ad yddar mamec ixes i tusna tamazight i twaqqar: ‘ isunaf- in ..’ zeoma min icetten; u yetwaqqar oawd: ‘ataras-in itwasinef, iqqim ad yssigh afus... ssinfent yunef yeggama ad isighi’; itwaqqar oawed: ‘tamurt-in tunef d twasinef’. U neqqar: nunnef = yuwegh.

wen iteggen asinef itili i har‚ nigh ghur-s tizemmar x hed d twaks as tizemmar; Asinef netta it as d d anelkem (tzaghart) n tawanekt/tanebadvt ig idvfaren ca usenfar n tasertit tadyulujit arendad n waydud nigh arendad ca n isunan d timnadvin zeg unamur.

Asinef netta zeg imsfran itmyagalen (contraire à) ag tagdut/tadimuqratit d tirlli. it msar usinef x mri ur tili tagumi, nigh tili ca n tagumi tumum (faible) zeg ca n tasertit tamawit (politique marginal ).

X mri nteg tadwart ar umezruy ntaf blli amsfra n usinef ghur s ict n tihawt (la prèsence) tmghar deg umezruy ura d yidva d umsar mani teddaren imazighen; u neta d ict n tumant (phènomène) tamedkat (stable) deg umezruy nsen.

Tumant ya tus d d anelkem i tisertitin n imesdurreyn i d iselken (conquèrient) u hewsen zermedv n afrika/ tamazgha, d tadyulujit nsen ig iqqimen‚ tddar ar rexu (Oad rux), u zzages d tudusi (force) min zi itwakkar‚ tamurt n timuzgha s imezdagh d wagra nnes.

Imsar x usinef a ij usiwggej imghar imazighen d tamazight, itwatewhen x idurar sjiwnen asen ra d fad, d tasmudvi, d rehfa, d taqubbanit‚, d uheggar…

Waxxa am nni‚ qqim tamazight tddar, u sdar ayt bab nnes di min izrin, arni x uya nufa imezdagh inamuren ggin afus deg afus zbanen u mastanen (v: défendre) x tamurt nsen s min ghur sen d tizemmar; ira qqaren as: ‘ad nssufegh amesdurrey ahewwas, huma‚ tudart nnegh ad tecna ad tesbeh ad tizidv'.Maca ur iffigh uhawwas awarni wami imtawa u yesmidag (coordnnè) ag inermaden ines deg «ixes liban».

Jar ufugh n uhewwas d wedwar nigh d ughimi n inermaden ines ad it waseggur ‘LMERRUK’ d marra TIMUZGHA saddu n tasertit n middn, min ra trajan imezdagh idwel d tinfas, marra iqqim deg raq nnes: fad, tallest, aheggar, righra, tmanayt ifqusen d imadunen, d tudrust u muzel, d usiwgej n yils d tusna d tameggit d wattvas inezgan d tiseqqar.

Arendad u surs ya, id yusin d anelkem n tasertit ig idvfar ‘RMEXZEN’ d ikabaren ines deg zzurfan d unabadv iggin Kkaren IMAZIGHEN mani ma di ARIF d ATLAS… s tagrawla deg sewggusa 1958 - 59; RMEXZEN d tarwa nnes ufin ufugh u surs ya di tasertit n weoraq d useoraq n imezdagh tarwa n tamazir‚ ar timura n midden, timura u segnu d idvefrawen amac iqqar azrawi mas: HMED SSADQI.

Toawaden qqaren imezdagh zeg yenni ira immuzulen di tazemmalt (armmée) n FRANKU blli RMEXZEN Deg sewggusa n:1961 - 62.. yarzu d x anegh s ubareh s ’remquddam’ zi redcur ar tidbilin (les administration), mani nufa ‘RQUYAD’ ssiteblen / smuttugen basaburtiya‚ d tawriq‚ mizi ad nni ar n-nezwa ar urubba i ra it ssaren (besoin) attvas inemmazulen (ixeddamen) huma ad ssili tademsa n-nes i pnunnin deg umenghi amedvlan wis sin.

Am ya, i qqar: Oabdella lbarudi, bawlu dimas, muhamed ahemjiq, mestafa aorab.. ‘aoraq idwel d aghezdis zi tasertit n rmexzen d imrayyan inebden lmeruk zi 1956 ar rexu, waxxa msewdan ibriden issufughen gha bara. u zda‚ ma nsighi deg igar ya, ixes ad nsen min ixesv ad yini ‘uoraq’?

Aoraq nigh atlao nigh anig ixes ad yini: ’amuti zeg raq ar uraq; zeg raq n tazeddight ar wen nnidven itiri yuggej x tazeddight’.

Amuti ya it awi d ufugh d tikli d utewweh d utleo d ugaji; Aoraq itwassen ar marra ayduden n umadval, zeg ami tessenta tudart ufeggan, u netta tasghar‚ zi tiseqqar n-nes amux d yusa deg « bareh amedvlan n tiseqqar u feggan ». Maca, itghima ‘kur’ aydud mamec i gh-as ixezzar; axezzar ya itas d d anelkem n tawada deg ubrid n‚udar‚ ig idvfar.

Atlao ar imazighen ira ghur-s ict n tasmaqqatc ur dvehri. amya, ntaf gi zi ‰ blli a‚ aras ioarqen / it laoen ur ghur-es bu raq jar tawacult, jar imezdagh n dcar, jar tarwa n tamurt. Itghima netta xezzaren ghur-es ij u xezzar d aqudvadv; ira ntaf aoraq temzawaren u tmenghan zzay- es:’arah a ya menneoruq mri day-ek arbeh ili ur toarqdv ‘; u ntaf aoraq ira itmqudda ag arraz (multa) u nghi nigh ag arraz n takurmut (lhebs) act i gha tek tudart, amya ntaf imgharen imrayyan tezzurfan x wen i ad inghen wen n-idvni s uoraq; ssufughen‚ sseoraqen‚ zi taqbitc, zi tawacult, zi tamurt n n-es, zeg zewran i‚ iteqnen, ur it ghimi ghur-es bu aqqan ag aya.u qqaren toawaDen iwDan n zi‰, blli ca imezDagh n ARIF ila waxxa Deg ussan n trazi‚ mani ur tifen utci, n-tnin tghiman Di‚uDrin n-sen tagin x uoraq, waxxa aghimi ya aD as n-yawi iman/buhber n-sen.

Mara nedwel ar uggus n waydud ad naf aya xlli deg izran, di tinfas, deg macnawen, u oad tella tasmaqqatc ya ar wattvas imariren deg iggar n tasekla tamazight: deg usefru, deg ungal di tinfas tiqudadvin. maca waxxa am ya ntaf imazighen oarqen, ar wami it wanna x af sen blli d imenneoraq d imtlao. Tarzzuyt deg usentl ya‚ mmar anegh blli aoraq ya n bezzez, s uya neqqar manaya d aseoreq d azewwag ur ylli bu d aoraq.

Attvas d isbaduten ig itwawcen i tagumi; ca ixezzar ghur es d ict n tamanit deg agra, ca issawar x tagumi tademsawit (dév – économique); ca issawar x tagumi n iwdan, ca issawar x tagumi n tadelsa d uggus, u ca issawar x tagumi n wazri yzzigen n twenndt nigh n tuzzumt (envirnement) …s uya‚ udef tagumi di ghubghub u tghima d aseqsi yuger.

Tagumi di tamtzight tawid u txes ad tini blli din tmghar, din‚ayni‚, din asgam, dages sin ighezdisen: aghezdis n ungawi (matèriel) d ughezdis n uniman d izalen n uggus.

Inna « JAVIER Perez de Cuellar »: « ‘tagumi ur yemmarsen x tadelsa d tiseqqar u feggan /u taras ur tlli tagumi, n- ttat d ict n tmanayt ur ghur-s bu wul’ yarni inna:’ tagumi tademsawit s imant n-nes ur telli ghir d ict n tmanayt taqudvat deg agud ».

Issadaf anegh awal a ar nexzar Di tagumi ig imsaren imazighen D tamzight. x mri n dewggel n xezzar n taf min it waggen Deg igar ya ur ghur-s bu waqqan qqao ag min inna mas:Pèrez de Cuellar Deg awal id newwi s nnej….

min imsan d aya: tuqubbanit‚, tukarda n wagra illan sennej i tmur‚ d min illan deg duf n-nes, d min illan deg aman, arni ghur-s fad d raå d tudrust u muzel(faqecgher), d rehfa, d ‘righra’ , d tallest, d ifeqqisen, d imadunen, d usewgej n tawengint d yeres d tusna d tadelsa d wattvas inezgan. tamurt s izghent , tayemmat s nuryent,tawmat s feqsent s wdvant, aydud tudar‚ n-nes s farfant jjint irazzu x ixef n-nes deg udem n waman, mahend ad yawed amiden ad asen yezzenz‚idvi ad as tbedren s luru zda‚ ad as tgarwen ucnan d yerfan ad as thewsen ad as oawden azenzi di ‘ssuq’ n yitvan, zda‚ n tarwa i zzijizen di tmur‚ i sghemyen asennan s uraji usghar id as yejfen d taynit it yemmexsen deg agud n ticri d rayas d uknunnef d uwezwez n mummu d usaci udvuf n yeghsan, xlli d tufeggant temsegh s umenzi,‚zawa‚cca tagumi, alendadv ighembab n timessi d ixeyyeqen ixsen i tamur‚ anuri, s ubaru zzun d aynegh tiwgdi, armen anegh aqemmum s ufiru d usegni,n xezzar s‚itawin ur n-zemmar anini, ires n-negh ad as tinidv ibbi …d wa d asures it ddar tamazight di tamur‚ inebden weccanen, tudar‚ n-negh‚edwel d sawen, abar ar ye‚ran,‚u‚ra ar yitvan,mani llant tifraz d tighisin n tayemmat? mani llant‚izemmar d taryazt n tababat?i tiseqqar n tufeggant?

ccin-tent uccanen, jjin d ag sent gha yermawen, d isunaf d iseghder, d ufqaqqas is ftutsen .

i tamur‚ i nebden uccanen ibriden it awyen ar tudar‚ s uzir dwlen ssawggaden, ussan dwlen d iqudadven, d ibarkanen, iqemumen zziznen, gnun, ur ssiwilen,ur ssufughen awalen,awalen ifarzen,yezzigen, awalen ijehden, issawgaden amziwen, di tamur‚ izedghen uccanen,zdghent ra d uharen,ibawen ur ggimen, zeg sijji ughemmuy ar tgamit uoeqqa, uharen d weccanen xzzaren,ad ccen ad hridzen, aghemmuy id gha yeghmin, tizi id gha yessendin, n‚nin barmen dmen ccin,s tighmas d imexbac n tnin ggin,ugran tzaghar‚ ig jjin, di tamur‚ izedghen inebden uccanen ca dwlen tixswin ca idwel d ameksa irassint, ca d aqzin isetten, tudar‚ n-negh‚edwel d sawen, tamazight ggin-as beccerwaw, ggint x ibawen d rexyar,beloen x -es tiwwura di ircam d ca n tighrbazin ipnunnin.

D wa d asures d umsar it ddar tamazight; maca asures ya d umsar ya ixes ur isnuffur ca tizubaz / tighariwin / tizemmar ighur-es a tmazight alendadv useqsi n tagumi ig it mrusan it raja‚arayt zeg imaggan deg igar ya.u dani n-qqar blli tizemmar d tizubaz n tmazight mgharent attvas deg ubrid n tagumi it assar(besoin)ar umyawz d tamsetla..ig llan d izalen iccur zzags-en uggus imazighen ,izemmar ad yili aya deg seghnu agdudi ig yeksi umussu amazigh, aseghnu ya immarsen x tirelli d uslilu d usgdud (dèmocratisation), it ghiman d intan n tagumi.

•tadaft mizi s wizigh deg umsagar arifi x tmazight d umuti agdudi it gga tamesmut izewran d tifawin di lhusima deg ussan:16-17-18/2/20 07. u zayes iswizigh di tafaska(festival) it gga tmesmunt n ayt soid deg ussan: 9-10-11-12/8/2007.

•tadaft ya tawid deg ires n tafransist:

« l’amazighité entre la réalité est les possibilités sous l’emprise de la marginalisation et la questio du développement ».

- Deg iles n taorabt ttawi d:

"الأمازيغية بين الواقع والامكانيات في ظل التهميش و الهجرة وسؤال التنمية ".