Gen ad tssenfut

Yaru t: Elhassan Boutssaid Usam

Ul inu gen ad tssenfut

Attvan ggutn ak

Ur dark ma f ad ttidvint

Ma f ad ttemdut

Ulawn n midden ssenfan

Llan ur akkw ddern!

Ma k yaghn kiyi tejdert

Tgit akkw tiggas

Azemz ad a ul inu

Ur iga wink

Keyyin tmellult tebsusat

Gen ad tssenfut!

Zvrvigh yan yusi d ul ns

Ar sis irrag

Lligh ur yufa taggunt

Gen ad tssenfut!

Nnnigh i yan

Is tgit ghemklli gigh

Inna mamenk?

Ur t tusi tergigat

Ur t tejder takat!

Gen ad tssenfut!

Keyyin ig tezvrvit ajddig fsan

Ar ttirirt

Wwid is ad t mezzin bbjen t

Gen ad tssenfut!

Ig d gik iger uzenzvar

Tilit aylaln

Wwid is ad t ttentaln

Ad tn ur isdiw

Myarn tillas!

Uggigh nn ulawn n middn

Ur gisn yan,

Ad ircan zund keyyin

Gen ad tssenfut!

Ulawn a winu nsan

Keyyin terghit

Rzvan gik isennann

Mdin ak wayyadv!

Yuda k g wattvan

Gument k tgudviwin

Gen ad tssenfut!