Ssunegh

Yaru t: lhassan butssaid

Syafagh ixf inu

Ar isawal d ixf ns!

Izd ad ighli d ignwan

Negh d ad ikcem d wakal?!

Lligh tewwujda tumert

Immer unzgum ikkusu tt!

Inna upuy a ixf inu

Ufigh afssay:

Ig mmurgegh tumert!

Qqnegh allen ar kllugh

Klugh tabarwut

G tesgni da ttannaygh

D tuga ar sliliynt

S temqqa n tlamut

Ssunghegh amazzer

Ingi s waman

Sselghigh irifi g tmda ns

Klugh tayja

Wwujdugh g ighman ns

Dar wayyur, ismd

Sellagh i izlan ns

Ad fqugh d

Ssunghegh tafalkayt

Myurgh g twallin ns

Rbugh as tayri iggutn

G tasa n wul inu

Ig tt bd fqigh i itran

Rad tn tamu

Tghama d!

(Masst, 04 /02 /2956)