asif n dra

Yaru t: Kujut Hassan (Warzazat)

Taghi tasa ghifun, a yasif n dra

Tgit waytv, urid ayllix nezvra

Azmez llix, immir nnek iperra

Yiwy aman, issew timizar n svehra

Izegzaw ulmu n ayt tagwnit d zagura

Igtvatv g igenna da tirirn, otan bapra

Akal digs iwtal, ikwzin d ighrrughra

Agensu n waman, da digs sqerqurn igwra

Ileghman da ttettin, ar nesseflid i tandra

Udadn imlalng uzilal, uccan g ifra

ughyal iserdan, iggudy cca d rra

Izgaren d uctal, tkwaren ak tighemmura

Diykw amalu n ufrux n ljipl, d isekwra

Yatvfutv ughjdim, lah imenghan d lgirra

Madden ihlan, lawla tuxxut d dsara

Msasant teqbilin, patten kullu tefra

Tirud ugg uzaghar, adiyk istara

Ghurk ag ttehtal titvwan, awd svmara

Yufa diyk maygan taghawsa yra

Taqcurt n ughrum ghurk aytted itrara

Unna izdghen ghurk, fghent as d twura

Iota lxir, kwa yiwgh g ufus n kwra

Igllin itca iswa, ur itthuz s tutra

Ighra s i wnebgi, aberrani inna s awra

Unna tezzel tmara, ar as d iqqra

Taghi tasa, ghifun a yasif n dra

Tgit waytv, urid ayllix dik nezra

Teddert s waman, gna k dra imezwura

May dak kkan waman, ugguy nnek iffurra

Qqurent tregwin tuna, ttucmaten imeggura

Zwan ighbula, lawla xes lmejra

Ildjiyn d iskwla, afrux ayd igherra

Irza sn fad icetvhan, azwu da ten isemrara

Manza tiyni, mani aseklu n tara

Mani lhenna d nwar, i yayt tmeghra

Manza madden n igherman a yasif n dra

Fghen udjan advghar ghur k yura

Tkwarn timdinin, ntvun aman s berra

Texlaten taghart, thuz ten s ghur tamara

Ipwa digun lmexzen, iga ken d zzra

Tisutiwin aya, urid xes mehra

Fafad a yiws n dra, ssird tawrawra

Ad ur tegt awnul, umu g tanekra

Tamazirt nnek hman ghifs icbura

Iceqqa umezdugh digs, lemoict therra

Sawel ghifs, turut kigan n tirra

Kks as afrag, tekkest as awd lhegra

Xirak izatven, oendak arraw n tfighra

Taghi tasa ghifun ayasif n dra

Tgit waytv urid ayllix nezvra

Is tsult ad ttengit a yasif? amendra

Onix muhal ad yughul uyllix, mendra

Ghrigh as inexxli, walu mas d irura

rgeln as imi g lmensvur lah masd irura

Hdvun digs aman, amzven tisura

A yudm n ufrux olayn ad k tejjey zzeqra

S unzvar, tejyas i yighf nnek tafura

yamzv ak uzwer ddaw wakal ittemra

svber xes imih a yul n uldjiyn nedra

Isul ad iteolulut, iofu wakuc s tiyira