Tarewra ghar tudart

Yura t: Mimun Amsbrid (Biljika)

Ikessi iman nnes,

Ikessi t' d takessit

S nnej ixeyyiqen

S nnej iyezzimen

Ikessi t' ghar ujenna

S nnej  min ighettvren

War t' itejji ad yewdva

Ad itwawi deg idvaren

Yesrugha t' d timessi

X tqiccatin n idurar

War t' ttiwedv tallest

War t' ttiwedv tiri

Itawi t' ghar mani

War yetnuz, war yetwesghi.

 

Tittvawin arezvment

War ssinent idves

Aqqat deg idv nnat

Aqqat di tiwecca

Maca izvewran nnes tettvdven zeg idva

Yella snnej i yghuyyan, s nnej n ixarriqen.

 

War ghars mghar tudart jar tittavawin nnes

I teddar it i yexf nnes

War telli d tiwewca

War telli d amarwas

D nettat d agra i nes

Jar marra igerwan

Ihettva t, yessyami t

Itagh xafs imezwan

War t itejji ad azegh

War t itejji ad tissraw

Itezzvu t deg iwdan

Itezzvu t deg wawaren

Imara nettta yemmut

D tudart i t' ghad yenghen.

(Mimun Amsbrid di 07/01/03)