Zi tfarnin ar tfarnin

Yura t: Saoid Oebbuti (Tifarsit)

Twarigh zi tfarnin ar tfarnin,

Ighem tasen yaqdven in

Yeggûren deg iqemqamen

S ioeddisen in

Qqaren am: "ya tammurt mayen din?

Ya yhudriyen wara d tihudriyin

Inim anex ma kenniw yughin?

Neccin ad awem nwatva idurar in

Ad awem negg tizeft i yibriden in

Ammu yedji tammuet inu".

Nec twarix ssaghen am tifarnin

Teggen am deg ifassen ca n tlullucin

Netten deg izuray nnem ca n tafriwin

Ig arbun tisumadv n txarriqin

Ad twarid bettvan ten x iwdan

Nitenti twissigent d tiqarqacin

Qqaren asen: "Irit akid negh twara ya

A yayetma d yesma di tfarnin

Ad awem negg min texsem

Ya yenni yugin

Ra d ibriden ad ten nesseghmi s tfawin"

Ca yeqqar ghar i rmeftah

Ca yaqqar ghar i tireghmin

Ca yaqqar  ghar i tiseooet

Ca yeqar ghar i tidbirin

Ca yeqqar ghar i adellis

Ca yaqqar ghar i ttvumubil

Ca yaqqar ghar i iysan

Ca yaqqar ghar i timizanin,

Neccin d imazighen ra d timazighin.

Tmazight n tmurt nnegh

Nettat i d anegh yejjin

Lebda nmun

Netxemmim i yimar i d yisin.

(Di tfarsit, ass n 25 septembre 2002)