Zpir n wawaren nnem yesqaren

Mayssa Racida

Nnigh am sghery it ad tawedv ur d iwezwizen,

Ad tennufser di arrimet ad tyaredv tezwegh n idammen,

Ad t zvaregh d tiggest mkur mma ggenfan iyezzimen,

Ad t gharegh d tuqubbanit jar tifray n idellisen,

Ad as sregh d zpir n wawaren nnem yesqaren.

***

nnigh am nety it ad tennûrzvem d tlulluct jar wafriwen,

D tafrurt i tefsut tghennej x izveryawen,

Aqqa m anebdu deg iyyar yessu yam irajiten,

Lgha n waman n yighzvar d imentmi n tmijja nnem yeffuden.

Taqessvist n tudart a i ghedjyen, i yeggûren.

Tyaredv t d aghembub yarezzu di tifras n wudmawen,

Yetseqsa x tarja n useymi i day m d yemgharen,

D wehsin n tewsar di teysart n yibriden.

Tireghwin n wussan zzuzzarent am day sen isvurifen.

4/6/2000