Ajjig umlil nghan irafan

Ajjig umlil ur tn ijawan

Ibi gis wawal

Ar ukan allan

Idra sn ufraw

Jlan asn iwaliwn

Ar ukan allan

Amta ligh assan

Ar ittluh amud

Ad ur ifl akal

Ar ittluh amud

Mghin t tayyawin

Iggut asn umttva

Ar yalla f rbbi li tn ixlqn

Ar isaqsa is illa usafar

Mad ittrran awal

Isfld i tghlaghalt

Tnna yas:

Tira d wawal

Amnir n walli ijlan

Asafar n walli yudvn

Ar asawal ar ttarat

S ils n babak d innak

Akkwn fln wattan

Ara tirra sawl awal

S ils amazigh..

Ara tirra sawl awal

Ad ibughlu igr n tmazight

Ad ur tfsm tgim iznzumn

Adur tajjim amttva ad agh igud

Ad ur tili dpact ula tikussad

Ar nsawl awal ngh nara tira ngh

Nini kulu sya n iyyils:

Tudrt i tmazight…

tudrt i tmazight!