Tazaykut a Tafrawt ran ulawn

izzva gim usulil izvuran

isggwasn d isggwasn li zrinin

Krdus ighil n ifriqya, nnan imassan

adrar n latvlas mzzvin agh llan

idrarn nm a tafrawt akad fulkin

ibbaqqa ujarif nsn isfugh ayyawn

immghi gisn lluz ula rmman

rzvmn fllasn wddagn n wadvil itzvrmin

idl tn wargan s usklu ula tujjutin

isku fllasn umazigh ighrman

taqqburt a Tafrawt ran ulawn

Tamazirt n tusna d imassan

Tamazirt n tamunt n wulawn

Tamazirt nm a tayri izdgn

Tamazirt gh ur llin inwwacn

tapala inigi usnkf n tghurmawin

ur jju gis anuhyu gr imadan

tamaynut a Tafrawt ad iziln

ilul gim muhmmad xyr ddin

ighr gim umarra amadlan

imghud gim umarra amqran

tutlayt n tfransist as uran

ungaln n ugadir d ugncuc

ligh iga tamagit n imazighn

muhmad xyr ddin idda igllin

s taddart n tidt lli srngh ittqlnn

ifld idlisn ns ar sawaln

ifld amud ns mmghin

ifld amdyaz Zalpud ar sawaln

dfrn abrid ns sul ssufun

imriri n umdlfaw agh uran

s ils n mulir ula wi n yugrtn

imriri n umdlfaw agh sawln yinin:

afgan zud argan utn s izvuran

ur ksvudn irafan ula sndudin tn ijawan.

(bizakarn ass: 06 -02 -2011)