Tabrat n Wmsbrid

Yura t: Mimun Amsbrid

Zi tara n tarzugi

I d taymegh tizidv!

Ssawegh awaren

Yissrawen, yiriden.

Teddakkûr tinbi nsen am tamment n idurar.

Ccet a inewjiewen:

War tseqsat x tinbi,

War arezzut x tara!

***

Izran inu d amenghi aked yisidv n tallest:

Ad qqimegh ccategh ar awar ameggar:

D netta i gha yarnan,

Maca awar inu d ameggar!

***

Xminni gha wdvigh

War ttrut a imuddukal,

War xafi tnuruyet.

Sight ayi tfawt s min ssarghegh n wawaren:

War yi tejjat di tallest,

War ssekkat s imettvawen.

***

Ad imsagar ucar aked ucar nnes;

A tmun arrimet awarni wmsbdvi

Ad salan ibriden,

Ad sneyfigh zeg wnadi;

Ad arzent tisitin i xef tugha msebdvigh,

Ad dewregh d Idjen,

War djigh d iftwizen.